У 2010 г. з мэтай захавання і прапаганды беларускай культурнай спадчыны калектыў нашай школы прыняў удзел у конкурсе ініцыятыў у межах праекта ЕС/ПРААН ў Беларусі “Устойлівае развіццё на мясцовым узроўні”. 11 чэрвеня 2010 г. у рамках адкрыцця ў г. Наваполацку інфармацыйнага цэнтра адбылася прэзентацыя нашай ініцыятывы “Спадчына роднай зямлі”. Школу і музей наведала дэлегацыя з прадстаўнікоў ЕС, Мінпрыроды, ААН у Беларусі на чале з А.Брукам. Было вельмі прыемна чуць шчырыя словы падзякі, бачыць сапраўдную зацікаўленасць. У жніўні 2010 г. ініцыятыва “Спадчына роднай зямлі” была падтрымана і прафінансавана.
Мэтай ініцыятывы “Спадчына роднай зямлі” з’яўляецца захаванне і прапаганда беларускай культурнай спадчыны шляхам адраджэння і правядзення свята “Багач” у арганізацыях і на прадпрыемствах горада Наваполацка.Тут трэба адзначыць, што свята Багач адзначаецца 21 верасня і з’яўляецца адмнтнай рысай беларусаў, так як падобнай і такой багатай абраднасці няма ў суседніх народаў. У гэты дзень нашы продкі падводзілі вынікі сваёй летняй дзейнасці, ацэньвалі сабраны ўраджай і дзякавалі Багоў і Духаў за дапамогу.
Трэба заўважыць, што ў рамках рэалізацыі нашай ініцыятывы мы не ставілі сабе за мэту прадэманстраваць навапалачанам непасрэдна сам каляндарны абрад “Багач” або яго рэканструкцыю. Гэта хутчэй свята для сучасных гараджан, у аснове якога ляжыць каляндарны абрад “Багач”. Працуючы над сцэнарыем свята, мы выкарыстоўвалі мясцовы этнаграфічны матэрыял і, у той жа час, разумелі, што гледачамі і ўдзельнікамі будуць людзі з абсалютна рознымі інтарэсамі, з рознымі адносінамі да традыцыйнай беларускай культуры. Таму нашай асноўнай мэтай было пераканаць гараджан, мясцовую супольнасць у тым, што народная культура – гэта цікава, яскрава, прыгожа, што спадчына нашых продкаў – гэта тое, чым мы можам па сапраўднаму ганарыцца, а для гэтага павінны яе ведаць. У нашых планах было 8 выступленняў на розных пляцоўках горада. Але на самой справе іх аказалася нават больш, бо пасля заканчэння тэрміну рэалізацыі ініцыятывы удзельнікаў свята запрашалі выступаць яшчэ і яшчэ.А пад час заліковага выступлення ў Навапалоцкім дзяржаўным ліцэі калектыў вучняў і настаўнікаў нашай школы атрымаў прапанову наведаць з выступленнямі г.Ліваны (Латвія) для абмену вопытам у дадзеным накірунку.
На наш погляд праект, звязаны з адраджэннем і папулярызацыяй традыцыйнага каляндарнага свята “Багач” дапамог нам прыцыягнуць увагу мясцовай супольнасці да пытанняў вывучэння і адраджэння народных традыцый, спадчыны роднай зямлі і пасадзейнічаў захаванню і перадачы будучым пакаленням ведаў і ўяўленняў нашых продкаў аб Сусвеце, прыродзе, аб сваім месцы ў ёй.
Комментариев нет:
Отправить комментарий